કાળજી

વાવણી પહેલાં જમીનને લગભગ 450-600 મીમી ઊંડાઈ સુધી ખેડવી જોઈએ. ખેડ કરવાથી જમીનના તત્વો સારી રીતે ભળી જાય છે અને તેની માટીનું માળખું સુધરે છે. નેમાટોડને નિયંત્રિત કરવા માટે વાવેતરના 2 અઠવાડિયા પહેલાં જમીન ધુમાવવી જોઇએ. કોબીને સારી રીતે વિકસિત થવા વિપુલ પોષક તત્વોની જરૂર પડે છે અને માટે પ્રતિ હેક્ટર 200-250 કિલો નાઇટ્રોજન પૂરો પડવો જોઈએ. કેટલીક વાર ખાતર આપવાથી વધુ ઉપજ મેળવવામાં મદદ મળી શકે છે. કોબીના બિયારણનું સીધું જ વાવેતર કરી શકાય અથવા તેના રોપાઓ પણ વાવી શકાય છે. આશરે હેક્ટર દીઠ 2 કિલો બીજ જરૂરી હોય છે. હળવી જમીનમાં બીજનું વાવેતર અથવા રોપાની રોપણી બાદ તુરંત જ અને પછી કોબીનું યોગ્ય કદ પ્રાપ્ત થાય ત્યાં સુધી દર 8 દિવસે સિંચાઇ કરવી જોઈએ. કોબી જયારે થોડી અપરિપક્વ હોય ત્યારે તેને સાંઠા પરથી તોડી હાથથી જ લણણી કરવામાં આવે છે. તેનો સંગ્રહ ઠંડી, ભેજવાળી પરિસ્થિતિમાં થવો જોઈએ.